The VIP Experience
Nafn

URL eda Email

Skilabod(smilies)



auka linkar
Gamli campus
Old school
Religion !
Mellur


"Dreptu mig ekki"










Wednesday, March 10, 2004


VIP is back ?
..æji ég bara hrrreinlega veit það ekki ! Er einhver að nenna að blogga lengur, hvernig er það? Þetta tjáskiptaform fór að þreytast all verulega þarna á tímabili. En skyndilega fór mér að leiðast eitthvað ákkurat núna ..þannig að ég DATT hérna inná gamla bloggið. Því ekki að vinna aðeins með það? Taka það kannski upp á annan level núna, kannski byrja á því að drulla yfir lið sem mér leiðist og bara vera með almenn leiðindi t.d. byrja blogg yfirleitt á setningjum eins og "djöfull fer það í pirrurnar á mér þegar.." eða "Stundum vaknar með mér drápshvöt þegar .." jafnvel "FOKK, hvað halda svona hækjur að þær séu?" ..já það er alveg pæling ..að starta bara "níðings-bloggi" með alls kyns viiðbjóði og niðurbrotsstarfsemi. Bara spurning hvort það henti VIP til lengdar sko, e.t.v. ekki !? Spurning um að fara líka bara bact to basics og hafetta svona "hey hvað er að frétta hjá VIP og co, hvað skyldann verað pæla núna blessaður drengurinn atarna"
Jæja fjandinn, þetta verður bara einhvern veginn sældjfæsjdfæsdkfsa ..get sossum bara þambað stafasúpu og skitið skemmtilegheitum daginn út og daginn inn! Heyrðu ég er ekki að nenna meira í bili ..drulla sér í útgáfuteiti í kveld ..free beer ..tvö lykilorð sem ganga vel saman ..seeeeegjum það. Ræpið í andlitin á ykkur !


Thursday, May 22, 2003


Big chill hjá drengjunum í gærkveldi. Brunað uppá KFC og fjárfest í 10 bita tilboðinu ..ohhhh..óviðjafnanlegur andskoti. Skellt sér á leiguna og 2 ræmum kippt með. Lítið úrval þetta kvöldið, erfitt að velja, enduðum á að taka Road to Perdition ..æji ég bara hrrreinlega veit það ekki. Þvílíkt miðjumoð í þeirri mynd ..flatline allan tímann einhvern veginn, handritið ekki ýkja merkilegt og bara *geisp* ! VIP segir: ** ..og báðar snjörnurnar fær Paul Newman fyrir að vera tarfur ! Fríspólan sem fékk að fljóta með var breska myndin "Gangster number one" ..hún byrjaði sæmilega, en ród tú perdissjon var bara einfaldlega búinn að sjúga úr mér allt líf og ég steinrotaðist yfir gangsternum !
Búið að negla niður júró-teiti. Skarp (stóri hvíti) tók það að sér að leika gestgjafann þetta árið, og er búist við fanta fjöri og topp mætingu ..jeeee það verður grimm dúndur! Þjóðlegir réttir á boðstólnum í anda keppninnar, kaldir í klakaboxi, lime & tonic í massavís ..sólin skal skína og bretarnir vinna þetta, Gitta Haukdal close second !
Verð að farað drífa mig á Matrix rílóded ..þoli ekki þegar allir eru búnir að sjá hana og blaðra frá öllu, annars heyrir maður að hún sé kannski ekki svo mikið að "geraða" !? Stelpur, hver vill koma í bíó með mér, þið splæsið ..múhahaha. Þessa dagana er ég í grimmri sjúkraþjálfun hjá sjálfum mér, nudd og teygjur og kælingar vinstir hægri. Venstra lærið á mér í fokki og verður að vera af-fokkað fyrir mánudag ..það er á kristal !





Tuesday, May 20, 2003


Stórsigur Tunglara !
Já tímabilið hófst með tilheyrandi flugeldasýningu Tunglara í dalnum í gærkveld. Sigurinn var síst of stór og var það mál manna að lokatölurnar hafi ekki sýnt réttan styrk tunglara í þessum leik (4-1). VIP gaf kost á sér í þennan leik þrátt fyrir þrálát meiðsli, og kom það í ljós þegar leið á að leikmaðurinn gekk ekki heill til skógar. VIP var bókstaflega á annarri löppinni en lét það ekki á sig fá, lagði upp tvö mörk fyrir félaga sína, og yfirgaf síðan völlinn meiddur, en sáttur við þátttöku sína í öruggri forystu Tunglara 3-0. Hunangstunglið kemur sérlega vel undan vetri og ríkir mikil leikgleði og hungur hjá sterkri og fjölmennri liðsheild. Andinn er betri, reynslan aukist, sterkari leikmenn, fallegri á velli, metnaðarfyllri stjórn og útsjónarsamur þjálfari ! Já það er allt á uppleið og bjartir tímar framundan, Tunglið fer alla leið í ár !! Nánari upplýsingar um leiki, leikmenn og allt sem viðkemur Hunangstunglinu má sjá hér á glæsilegri heimasíðu, gjörið svo vel.



Monday, May 19, 2003


LEIKDAGUR !!!!
Mánudagur 19. maí 2003
Gerfigrasið Laugardal, Kl. 20:00
Utandeildin í knattspyrnu, 1. umferð.


Hunangstunglið vs. Inter Reykjavík

Tvímælalaust leikur sem enginn sannur knattspyrnuunnandi má láta framhjá sér fara. Fagurfræðin og leikgleðin í hávegum höfð. Sannkallaðir listamenn á ferð
EINN BOLTI EIN VERÖLD fjandinn ! Tunglið fer á loft í kvöld. Flugeldasýning og klappstýrur í hálfleik, grillaðar pylsur á kantinum og ís fyrir börnin.
Sjáumst í dalnum !


Friday, May 16, 2003


Um helgina er þetta helst:
- Árshátið Knattspyrnu- og kúltúrsamfélagsskap Svíkinga við Elliðavatn föstudag !
- Þrítugsafmæli Hörpu á Cafe Nauthól laugardag !
- FA Cup Final í Cardiff sunnudag!
- Pistons - Sixers klárað !
- Quality time með Prinsinum, Bruder og frú !
- Sund í sól !
- Austurvöllur í sól !
- Línuskautaganga!
- Íslandsmótið í knattspyrnu hefst !

Mánudagur:
Hunangstunglið - Inter Reykjavík ..sísonið af stað JEEE !!


Best allra tíma !? hvað er það fyrsta sem mér dettur í hug þegar ég hugsa um það besta ?
Maradona, Smashing Pumpkins, The Bends, Liverpool ´86, Skuggabar, Nokia 5110, Eyjar útihátið, Hat-trick með VíkÓ, 21. des ´97, Tanqeruay, Levi´s 501, Jan Molby, Hótel Búðir, Thom Yorke, Sophia Loren, KFC, London ´98, Monica Potter, Coca Cola, Bæjarins beztu, Niðurgangur, JBS, Austur-Indía fjelagið, Lloyds, Boss, Tori Amos, White Russian, WBA ´02, Heineken, Chemical Bros, Sandholt, Lucky Charms, Chris Farley, Monty Python, Thin Lizzy live, Godfather, þórunn lár, fimmtudagar ´99-´02, Lottó vinningur, kynlíf, sólskin, Disarm, Mike Myers, Portishead, D. Oddsson, pepperoni, Peneolpe Cruz, herbergi 204 blablalbalblabalba og þúsund þúsundir fleira og meira... að drekka þegar maður er þyrstur, borða þegar maður er svangur, r**a þegar maður er júnóvottaður, skora mark, sigra, hlæja, láta aðra hlæja, syngja þegar maður er glaður, dansa þegar maður er fullur, veita ást, þyggja ást, hjálpa, læra, uppala, skipta máli, kúka þegar manni er mikið mál, pissa í spreng, taka áhættu og vinna, óvæntir ánægjuaukar ýmiss konar ...bí bap a lúúlaa sjís mææ beibe bless bless ...bara pæling sko! fjandinn ...ég er að kjánast allur upp hérnaaa ..djísess




Wednesday, May 14, 2003


Sjáið´ann ..sjáiði villidýrið!!
skohhh sjáiði fokkings auglýsinga tröllið. Tjahh enginn annar en títt nefndur Ká Lee ...keeeengtarfaður í bransanum. Þetta er svo falleg viiinna fjandinn. Ef ég væri kvenkostur góður, þá mundi ég þefa uppi númerið hjá þessu eintaki, það er á kristal tæru. Þessi leikmaður # 8 hjá Tunglinu er gæðadrengur og mikill listamaður hvort sem er með tuðruna eða sex strengina, lipur á gólfinu, syngur eins og engill, afkastamikill drykkjumaður ..en fágaður og heilsteyptur í senn. Já Cobbah menn, mín er ánægjan að hylla þig hér á þessum vefmiðli mínum fyrir gott framlag til menningar og lista, og nú síðast í formi leiklistar, gríðarlegur leiksigur sem hlýtur að færa þér allavega Edduna að ári fjandinn ! Jakob Lee Hafstein hlýtur hér hrós vikunnar ef ekki mánaðarins fyrir að gleðja okkur öll með sterkri nærveru sinni bæði í persónu sem og á sjónvarpsskjánum. Takk Kobbi minn, takk takk ..rosa fínt !




Tuesday, May 13, 2003


Æji hvað allt er nú yndislegt og frábært núna. Lífið bara leikur við mann, maður svífur um á heiðgulu skýji. Léttlyndið, jákvæðnin og bjartsýnin er mér eins og í blóð borið. Nú er kominn þriðjudagur og ég er ekki frá því að maður sé hreinlega enn að vinna á timburmönnum helgarinnar. Harðsperrur í vöðvum sem ég vissi ekki að væru til ..fjandinn. Hausinn á mér er endanlega búinn að helminga sig í stjórnarandstöðu gegn líkamanum og ákveðnir líkamspartar hafa krafist sjálfstæðis undan oki ógnarstjórnarinnar sem ríkir öðru megin í höfðinu. Sem stendur er ráðstefna á öxlinni á mér þar sem samankomnir eru Bakkus, Frelsarinn, Amor, Antikristur, Innra sjálfið, Samviskan, Draugar fortíðar og sjálfhverf angist raunveruleikans. Þau ræða nú nánustu framtíð VIP og keppast um að ná völdum af einræðisherranum sem virðist vera að missa traust líkama og sálar. Valdabaráttan er í algleymingi og hefur VIP óskað eftir aðstoð utanaðkomandi sáttasemjara í formi fjölmargra heimspekinga og siðfræðinga. VIP hefur sökkt sér í sjálfspælingar yet again. Sífelld endurskoðun, stefnumótun og áætlanagerð til framtíðar er öllum holl. Markmiðssetning verður að vera skýr, raunhæf og áminnanleg með reglulegu millibili. Já og fjandinn, fjandinn, bollocks, shite, shite. Gleðilegt sumar Viddi minn, hafðu það gott, hvað segir stjörnuspáin, hvernig er veðurspáin, hvað segir þjónustufulltrúinn, hvað er að frétta, hvað er títt, ekkert að gerast, gerast í hverju, hjálp ? IT´S TIMES LIKE THEEESE WE LEEEARN TO LIIIIIVE AGAAAIIIN ...
Íþróttafréttir: Hunangstunglið er komið á siglingu, stórsigur vannst í öðrum æfingaleik sumarsins gegn efri-deildar liði UMF Reisnar 4-3!! Og ekki nóg með það, heldur er uppáhalds íþróttamaðurinn minn (VIP) byrjaður að raða þeim inn, kallinn tók sig til og smellti einu kvekendi eftir frábæran einleik og setti Tunglið in the driving seat í leik helgarinnar ...það gladdi mig, ég verð glaður þegar eitthvað gleður mig. Enski boltinn er búinn ...skulum reyna að gleyma þessu tímabili og hlakka til þess næsta PUNKTUR. Detroit að missa flugið, Sixers búnir að jafna ..týpískt og grútleiðinlegt bara.
Kosningafréttir: Sjá alla fjölmiðla landsins og víðar. Stjórnin heldur, þarf að segja meira !?!
HÍF OPP ÆPTI KAAALLINN INN MEÐ TROLLIÐ INN, ÞAÐ ER AÐ GERA HAUGASJÓ, INN MEÐ JÚNÓVOTTIÐ INN... með þessum tónum kveð ég að sinni. Hommar!
EN endilega segið mér sögur og hugleiðingar um helgina ...ástarjátningar væru líka vel þegnar, kann að meta það og svara öllum fyrirspurnum ..áfram ísland! Já og ég sendi honum Kobba mínum óskir um skjótan bata, en drengurinn var að slasa sig á sunnudagskvöld... ha ? hvað kom fyrir kobbi minn ?!?





Thursday, May 08, 2003


Upprifjun, gestaskrif, nostalgía!?!.
Þetta sem hér verður públíserað hafði Gunnarr góðvinur okkar allra að segja fyrir nákvæmnlega 2 árum síðan. Gunnarr var annálaður fyrir skrif sín á Haglabyssunni í nokkur ár á meðan námi hans stóð í Háskóla Íslands. Hann hafði skemmtilegt stílbragð við að blanda saman raunveruleika og hugarheimi sínum og annarra, á afar grafískan og annarlegan máta. Til heiðurs honum, síðunni og hans skrifum birti ég hér eftirfarandi pistil sem birtist eins og áður segir fyrir rétt um 2 árum:
"Nautshausar eru ekki gefins í dag. Skottprís fæst hvergi. Hvernig er hægt að stækka máltíð en to og tre. Stækkar maður franskar kartöflur? Hvernig stendur á því að heimsfrægir tennisleikarar koma aldrei í heimsókn til Íslands. Er ég ekki nógu heiðarlegur leikmaður í þennan helvítis leik? Risavaxinn borðtennis með öðruvísi reglum og öðruvísi talningu. Ég ætla ekki að höggva í sama knér en mann skal ég drepa og annan. Ég fór í Lindasmárann í dag. Skíta verzlunarmiðstöð með ömurlegum búðum í. Ég byrjaði á því að fara í Hagkaup. Þar eru alltaf sömu hlanduglufötin á rándýru verði. Innan um þennan viðbjóð fólust síðan einhverskonar framandi matvörur. Matvörur til að sinna öllum þeim innflytjendum sem komnir eru hingað. Kryddleginn bambus í kókoshnetuhrísgrjónahíði frá Thaaaaailandi.Sólþurrkaðir kamelþarmar frá suðurhluta Túnis og víðar um Sahara mörkina. Kryddleginn Serbareður með króatískum endaþarmshakki. Pólskar járntöflur bornar fram með dassi af yfaraskeggi og síðan en ekki síst. Laufléttur nígerbúi með RuwandaEbólu og skæðri klamedíu af Arangúta. Eftir Hagkaup fékk ég nóg og fór og hafði mök við sjálfan mig, gegn mínum vilja."
Já, það er svo sannarlega missir af dagbókarskrifum Gunnarrs en minnngin lifir enn.






Wednesday, May 07, 2003


Veðurguð minn góður!
Alveg var þetta magnað að fara í vinnuna í morgun. Þetta var eins og í bloddí bíómynd eða kannski svona looney tunes teiknimynd frekar. Ég opna útidyrahurðina heima og er svona að hneppa jakkanum, þegar ég stíg út og hurðin lokast á eftir mér ..BAMM ..byrjar ekki dúndrandi HRÍÐ..élja-slyddu veðbjóður !! Æji ég gat nú ekki annað en farið að hlægja og gráta í sömu andrá, dúndrað mér á skeljarnar, lyft höndum til himins og ákallað drottinn: "ertu ekki að kynda mig hérnaaaa !!? ertað reynað segja mér dear lord að þetta hafi verið tilviljun ..fjaaandenn" Hef grun um að þetta verði ekki minn dagur, ætla að fara varlega og treysta engum ! Allavegana, ég varð við þetta e-ð svo upptekinn af veðrinu að ég fór og kannaði hvernig spáin yrði m.a. um helgina, þessa stóóóru helgi sem okkur hlakkar svo til . Heyrðu nei nei ...málið er að það mun líklegast rigna til 16. MAÍ !!! ROSA FÍNT ! Veðurstofa VIP.com þakkar fyrir sig að sinni, og nú snúum við okkur að íþróttum, "Real vann Juve (hverjum er ekki sama), Haukar unnu ÍR (rosa óvænt), NBA: Detroit malar Philadelphia ...JEEEEEE bad boys bad boys, what ya gonna do, whatyagonnado when they come for you.." Vidda sínum leiðist það nú ekki mikið skal ég segjykkur, en ég veit um nokkra Sixers fans sem þola þetta illa ..Bogi ..Eggert.. Doddi..slaka sér ..þið eigið ekki breik. Já einmitt, hvernig er það, voru menn ekki almennt að fíla ÍA-KR: 4-1 um helgina !?!?! tjahh ..ef þetta er smjörþefurinn af því sem koma skal ..þá verð ég rjómandi í bræk..uhmm ..rosa glaður ! Blezz.
X-VIP



Tuesday, May 06, 2003


Ohh hvað Sopranos er að gera það fyrir mig ..bada bing. Hann drepur mig gæjinn þarna geðveiki með gráu vangana, þessi sem var að fá sér svo flott sjónvarp í þættinum í gær að nasahárin á Karl Malden í myndinni “on the waterfront” voru eins og rafmagnskaplar ..aaaahhahahahahah. Christopher fór líka aaalveg með það í gær þegar hann keng-smackaður krassjaði oná hundinn og kæfðann ..haha … he must have crawled under me and killed himself for christ´s sake, I´ll get you a new one ..aahahahahahha ég var í kastinu.
Ég datt inná bók í gær, eina af þessum týpísku amerísku sjálfshjálparbókum. Þessi var um mataræði og annað með tilliti til blóðflokka. Og viti menn, kallinn er A (royal blood sko) ..nei nei, þá er það uppruninn blóðflokkur frá akuryrkjutímabilinu, fólki sem nærðist á grænmeti, ávöxtum og kornmeti ..svona kannski otrar eins og ég, held þau hafi m.a.s. nagað slatta timbur. Nú skv. þessari bók hentar það mér ekki að m.a. borða mikið kjöt (fjandinn), einhverra hluta vegna er ostur eitur fyrir mig, sem og appelsínusafi til dæmis, ýsa, og bara eiginlega allt sem er gott. Ég á að drekka sítrónuvatn og grænt te, háma í mig grænmeti og stunda jóga ..týpan ha ??? bollocks bollocks bollocks ! Hinsvegar ætla ég aaaaðeins að prófa þetta, allavega með sítrónuvatnið og græna te-ið ..já og soya-mjólk ..fjandinn. Gefa þessu svona mánuð og sjá hvort ég verði ekki aaallt annar maður ..ha! Hafiði lesið þetta dót, eruð þið að kaupetta ? ég bara hrrrrreinlega veit það ekki …er allt í einu orðið hommalegt að spá í mataræði !?! ..þegið þið þarna macho-minnimáttarkenndar-mikilmennsku durgar, ekki orð upp úr ykkur rúnkarar !!






Monday, May 05, 2003


Sorglegt !
Það gat nú verið, bara svona til að toppa þetta ööömurlega season, þurftu mansarnir að kippa dollunni ..mér fallast hendur. Eins og hvað Arsenal voru fljúgandi í vetur, voru að mínu mati og eru betra lið en United ..no doubt. En það er ekki spurt að því hverjir leika fallega ..það eru helvítis stigin sem telja ..ógeðsleg klisja sem ég hata og langar mest að stroka út #$"$%&#%& fjandinn !! Svoneretttabara, maður verður bara að kyngja þessu. Ein huggun, í dag er örugglega sárara að vera Gunner heldur en Púlari, svo mikið er víst ..áááiiii hlýtur að særa. Til lukku með helvítis gullið þið drengir og stúlkur sem hafið selt sál ykkar djöflinum og styðjið þetta ógeð þarna. Vonandi færir þetta ykkur hjartahlýju og vellíðan ..sem þið kafnið á ! 8 titlar á 11 árum eða e-ð álíka !? ..er löngu orðið þreytt og hlýtur að vera komið nóg ..Becks og Giggs í burtu ..Ferguson má hætta ..búið spil. En spegill spegill hermd þú mér hvert er sigursælasta lið á Englandi hér? Spegill: "uhh það mun vera Liverpool Football Club" VIP: "mikið rétt spegill minn, farðu nú að naga á þér hneturnar aftur" Spegill:"hey hva meinaru mar, rólegur á hnetunum hérna" VIP"núúúhh" Spegill: "nú hvað" VIP:"minn bara með derring ha !?" Spegill:"þú ert derringur!" VIP "hefurðu litið í spegil?" æji bara blezz, og munið að heftibyssa er ekki ætluð til ástarleikja !



Friday, May 02, 2003


VIP á 1. maí !
..jújú ..dagurinn tekinn snemma í gær ..smá ökuferð út fyrir borgarmörkin, skutla kallinum í Herjólf, kippa bílnum jeeee svo fæn ..geggjað gluggaveður eins og maður komst að þegar maður skellti sér tiltölulega léttklæddur í kröfugöngu eftir hádegið, með skiltin: "menn með mönnum, hvað er málið?" og "eldra viský, yngri konur, betri bíla, meiri pening, minni vinna" ..brrr fjandinn hvað var tsjillí ..var ekki að meikaða. Tókum því rúnt á kosningaskrifstofur og gúffuðum í okkur vöfflum og tilheyrandi, spurðum frambjóðendur spjörunum úr á meðan við þömbuðum kaffið okkur til hita. Já alveg rétt, magnað, þurftum að kalla á pípara í gær ..á 1. maí ..hann var ekki að fílaða ..eldhúskraninn went apeshit um kvöldmatarleitið ..heitt vatn frussaðist um allt ..rosa fínt ha, djísess! Nú fer maður svo að jafna sig af meiðslum, aaalveg að koma ohh og þá verður sko tekið á því ..náratæklingar og samskeytaneglingar vinstri hægri !! Róleg helgi framundan, heilsusamleg og hrein ..new & improved VIP að detta inn, saurlífi að baki ??? ..sjáum til. Er að verða kvefaður , díflað nef og hóþti ..ekkert þem þmá cognac og coff coff fær ekki reddað. Jæja, bezt að hunskast kæru hommar og hommur. Au Revoir ..sjæt, bollox, "haldiði kjaaa..bamm donk"



Wednesday, April 30, 2003


FRÁÁÁBÆRTT !! ..mér er litið út um gluggann í þessum töluðu, og það er byrjað að snjóa !! $%#$%#% djísess, fær maður ekki fjandans breik í þessu lífi, leið og maður heldur að maður sé að fá sól og sumargleði í hjarta ..þá nei nei..fokkíngs slydda og grámygla úti. Og svo ofan á það, helli ég kaffi yfir bollocks-inn á mér ..alveg er þetta nú magnað. Farinn niðrá höfn ..sjáumst á hafsbotni !


Sumir mánuðir..!
Æ hvað mér leiðist lítið þessir frídagar sem rigna yfir mann um þetta leyti. 4ja daga vinnuvika er vika að mínu skapi fjandennahhh. Þetta tímabil sem nú er að ganga í garð köllum við ...jahh eigum við ekki bara að kalla það maímánuð frekar en vor. Maí er góður mánuður. Í maí einhvern veginn byrjar allt og/eða endar, sumarið að detta inn, skólarnir að klárast, boltinn byrjar að rúlla, sumarleyfin að hefjast, vinna hefst hjá sumum, veturinn endanlega kvaddur o.sfrv. Maí er þ.a.l. mánuður tilhlökkunar og bjartsýni ekki satt, mánuður þar sem allflestir eru glaðari en aðra mánuði jafnvel, fólk er virkara, það hugsar langt fram í sumarið, það er frjórra en áður, alls kyns hugmyndir skjóta upp kollinum, endalaust kynlíf ..uhh..jú það líka fjandinn ..það er nebbla meðvirkur eiginleiki hamingju ekki satt!? ..úffff ég er að missa það í happy happy joy joy-inu hérna (man i feel like a woman) En allavegana nóg um það, best að sekkja sér í grrrimman kaldan og svartan. Ég get sagt ykkur hver er ömurlegasti mánuðurinn, það get ég sko. Það er febrúar. Febrúar er algjör hommi. Það er ekkert í febrúar. Febrúar er kaldur og dimmur en sem betur fer stuttur. Þá er langt síðan jólafríi lauk, þá er enn langt í páskafrí, og það eru að detta grrimmir visa-reikningar dauðans inn um lúguna, hávetur, 4 tímar af birtu kannski á dag, blankur eftir jólin o.fl o.fl. ...ööömurlegt ! En nokkrir góðir menn eiga afmæli í Feb, og við þá segi ég; nó offens gæs, noþþíng pörsönal ..EN ÞIÐ SÖKKIÐ hahahah ...lsdfklslsgj spurning um að fá sér aðeins meira kaffi hérna gaddemitt ...p.s. kobbi menn, farðu nú að læra að þræla í þig þessu heita svarta, þú ert að missa af svo miklu, vitandi hversu mikill nautnamaður og sælkeri þú ert minn kæri ven. ..fjandinn .skil ekki hvernig þú meikar daginn ...viva la coff coff !!



Monday, April 28, 2003


Sunnudagar, eru stórmerkilegir dagar. Af hverju er það bara á sunnudögum nánast, sem maður dettur í grrrimma naflaskoðun og sjálfsrýni. Fer að endurskoða sín viðhorf og gildi, fer að bölsóttast yfir saurlifnaðinum, og heitir sjálfum sér endurbótum á við áfengisbindindi, líkamsrækt, hollara mataræði, sparnað, mannrækt, náungakærleik o.s.frv. Það kannast eflaust flestir við þetta ..er það ekki ..ER ÞAÐ EKKI SAGÐI ÉG ..er þetta bara ég ?!?! ...aaarrgghh æm fríkin át meeen ! En, ég meina það núna fjandinn, núna verða gerðar breytingar, þettebbarekki hægt ..bakkus er hálfviti og þynnkumóri er þrozkaheftur. Nei ég meina, það er ekki eins og maður hafi verið að gera e-ð af sér ..þannig.. ekki eins og maður hafi lamið ganla konu, gyrt niðrum sig á lækjartorgi, ælt á dansgólf, nauðgað leigubílsstjóra, og sofið í steininum ..ha! 12 tíma áfengisneysla og 4 tíma svefn ...þetterbara þreyta, þettebbara áfengið, þetterekki ég ..eða er þetta bara félagsskapurinn ...helv. rónatarfar sem leiða mann í villu og svíma ..æji fjandenn ..meikettekki. Svo er það nú eitt, sem er svona neo-freudískt fyrirbæri ..að þrífa í þynnku, byrja á að baða sig allan vel og vandlega, því næst ráðast á íbúðina með tusku og ryksugu að vopni, helst svo vaða í bílinn líka ef hann væri að finna. Þetta er einhver hreinsun sem verður að eiga sér stað ...baða af sér syndirnar ..sem svo kannski engar eru !? (minnistap sökum ofneyslu G&T) Hjálp ! sommboddí ..eníboddí ..fjaaannnndeennnnn aslghklashliasugpfug´æagjjoæ bamm donk



Til baka